2022 December Vol. 64 Issue No.12
രൂപീകരണ കാലഘട്ടം മുതല്‍ അഴിമതി രഹിതവും കാര്യക്ഷമവും ജനോപകാരപ്രദവുമായ സിവില്‍ സര്‍വീസ് കെട്ടിപ്പടുക്കുകെയെന്ന ലക്ഷ്യം മുന്‍നിര്‍ത്തിയാണ് കേരള എന്‍ജിഒ യൂണിയന്‍ പ്രവര്‍ത്തിച്ചിട്ടുള്ളത്.ഇതിനായി നിരവധി കര്‍മ്മ പദ്ധതികള്‍ക്ക് യൂണിയന്‍ രൂപം കൊടുത്തിട്ടുണ്ട്. തൊഴിലാളി വിരുദ്ധ നയങ്ങളുമായി വലതുപക്ഷ സര്‍ക്കാരുകള്‍ സിവില്‍ സര്‍വീസില്‍ വലിയ കടന്നാക്രമണങ്ങള്‍ നടത്തിയിട്ടുള്ള ഘട്ടങ്ങളില്‍ പോലും അഴിമതിക്കെതിരായ നിലപാടുകളില്‍ ആ സര്‍ക്കാരുകളുമായി ക്രിയാത്മകമായി സഹകരിക്കാന്‍ യൂണിയന്‍ എക്കാലവും സന്നദ്ധമായിട്ടുണ്ട്.
സെപ്റ്റംബര്‍ 30 ന് തീര്‍പ്പാക്കല്‍ യജ്ഞം പര്യവസാനിച്ചുകഴിഞ്ഞാല്‍ ഓരോ വകുപ്പിലെയും പ്രവര്‍ത്തന പുരോഗതി റിപ്പോര്‍ട്ട് ഒക്ടോബര്‍ 10 നകം ശേഖരിച്ച് പ്രസിദ്ധപ്പെടുത്താനും ഉദ്യോഗസ്ഥ ഭരണപരിഷ്കരണവകുപ്പ് എല്ലാ വകുപ്പുകളുടെയും റിപ്പോര്‍ട്ട് സമാഹരിച്ച് ഒക്ടോബര്‍ 15 നകം പ്രസിദ്ധീകരിക്കാനുമാണ് തീരുമാനിച്ചിരിക്കുന്നത്.
സേവന വേതന വ്യവസ്ഥകളുടെ കാര്യത്തിലും ജനാധിപത്യാവകാശങ്ങളിലും ഇന്ന് രാജ്യത്തെ ഏറ്റവും മികച്ച സിവില്‍ സര്‍വ്വീസാണ് കേരളത്തിലേത്. ഈ നിലയിലേക്ക് സിവില്‍ സര്‍വ്വീസിനെ മാറ്റിയെടുക്കാന്‍ സംഘടനയും ആത്മാര്‍പ്പണം ചെയ്ത് പ്രവര്‍ത്തിച്ച പൂര്‍വ്വസൂരികളും നല്‍കിയ സംഭാവനകള്‍ വിലമതിയ്ക്കാനാവാത്തതാണ്.
ഫയല്‍ നീക്കത്തില്‍ തട്ടുകളുടെ എണ്ണം നിജപ്പെടു ത്തി കൊണ്ടുള്ള തീരുമാനം. സിവില്‍ സര്‍വീസില്‍ ഫയല്‍ തീര്‍പ്പാക്കുന്നതില്‍ വിപ്ലവകരമായ മാറ്റം ആകും ഇതുവഴി യാഥാര്‍ത്ഥ്യമാകുന്നത്.
